تاوانی تەڵاق و سوێندی به درۆ خۆاردن لەسەر کارو کەسابەت

تاوانی تەڵاق و سوێندی به درۆ خۆاردن لەسەر کارو کەسابەت

سوێند خواردن بە تەڵاق.. نـەریتـێـكی كـۆمەڵایـەتی ناپـەسـەند و بەپیرۆز نەزانینی هاوسەرگیری، لەسەرجەم ئایینە ئاسمانیەكان سوێندخواردن بەتەڵاق ناپەسەندە، زانایانی ئایینیش ئاماژە بەوە دەكەن هەر كەسێك سوێند بەتەڵاق بخوات وەك گاڵتە كردنێكە بەو گرێبەستی هاوسەرگیریەی كە لەنێوان دوو كەسدا هەیە و خێزانێكیان پێكەوەناوە، لەگەڵ ئەوەشدا لەلای هەندێك پیاو لەكۆمەڵگەی كوردەواری وشەی تەڵاق بۆ هەموو مامەڵەیەكی ڕۆژانە و كار و كاسبی بەكاردێت، بەشێكیش لەو پیاوانە ئاماژە بەوە دەكەن كە ئەوان خوویان پێوە گرتووە و بۆیان تەرك ناكرێت، هەندێكی تر لەپیاوان سوێندخواردنیان بەتەڵاق بەناچاری لەقەڵەم دەدەن، چونكە هەر سوێندێك بخۆن باوەڕیان پێناكەن. سوێند بەتەڵاق خواردن دەبێتە هۆی كەمكردنەوە نرخی هاوسەرگیری.

ئەو كەسانەی سوێند بەتەڵاق دەخۆن زیاتر ئەو مرۆڤانەن كە بەپێوەندی هاوسەرگیرییان دڵخۆش نین، هەروەها نەبوونی هۆشیاریش هۆكارێكە بۆ ئەوەی گرێبەستی هاوسەرگیری لەلایەن پیاوەوە پشتگوێ بخرێت ‌و دەڵێت:(پیاو بۆ دەرخستنی توانا ‌و دەستڕۆیشتوویی خۆی سوێند بەتەڵاق دەخوات و هیچ پیرۆزییەك بۆ هاوسەرەكەی و گرێبەستی هاوسەرگیریی دانانێت).

سوێند خواردن بەتەڵاق بۆ ئەوە دەگەڕێتەوە كە زۆربەی تاكاكانی كۆمەڵگەی ئێمە وەك نەریت مامەڵە لەگەڵ درۆ كردن دەكەن و تەڵاق تاكە ڕێگەیە بۆ ئەوەی كە تاكەكان باوەڕ بەیەكتری بكەن، بەداخەوە لەكۆمەڵگەی ئێمەدا سوێند خواردن بەتەڵاق بووەتە كەلتوور و زۆر كەس سوێند بەهەرشتێكی تر بخوات باوەڕی پێناكەن ئەگەر بەڕاست یان بەدرۆش بێت، بەڵام كە وتی(بەتەڵاقم)ئیتر مەسەلەكە كۆتایی پێدێت و باوەڕی پێدەكەن، ئەمە بێجگە لەوەی سوێند خواردن بەتەڵاق بۆ بڕینەوەو كۆتایی هێنانە بەمەسەلەكان و بەڕای هەندێك كەس ئاساییە سوێندەكانی تر درۆی تێدا بێت و نا واقیعی بێت، بەڵام كە تەڵاقی خوارد درۆی تێدا نییە، سەبارەت بەو پیاوانەی كە لەسوێندەكانیاندا تەڵاق بەكاردێنن.

ئەو كەسانەی پەنا دەبەنە بەرسوێند خواردن بەتەڵاق لەڕووی دەروونییەوە كێشەیان هەیە، چونكە غەدرێكی زۆر گەورە لەخۆیان و بەرامبەرەكەیان دەكەن، گرێبەستی هاوسەرگیری پیرۆزترین بنەماكانی ژیانی ئادەمیزادە و هەندێك پیاو هەن بۆ هەر شتێك سوێند بەتەڵاق دەخۆن ئەمەش خۆی لەخۆیدا نیشانەی ئەوەیە كە ئەو كەسانە لەڕووی دەروونییەوە گرفتیان هەیە.

كۆمەڵگەی كوردەواری كۆمەڵگەیەكی نەریتیە زۆر حساب بۆ هەستی ئافرەت ناكرێت پیاوان بەئارەزووی خۆیان یاری بەو گرێبەستە دەكەن كە هەموو ژیانی ئەو ئافرەتەی پێوەی بەندە، ئەم جۆرە كۆمەڵگەیانە بەشێوەیەكی زۆر سادە مامەڵە لەگەڵ سەرجەم ئەو بەندو گرێبەستانە دەكەن كە پێوەندی بەژیانی ئافرەتانەوە هەیە و سوێندخواردن بەتەڵاق تاوانێكە پیاو دەرهەق بەهاوسەرەكەی دەیكات، چونكە وشەی تەڵاق زۆر قورسە، بۆ ئەوەی هەر كەسێك بەئارەزووی خۆی بەكاری بهێنێت، بەڵام ئەوەی كە زۆر سەیرە زۆر كەس بەئارەزووی خۆیان یاری بەو وشەیە دەكەن لەهەر كارێكدا تووشی ڕێگری بن ڕاستەوخۆ بەكاری دەهێنن، ئەوەی من تێبینم كردووە یاسا و ئایینیش زۆر بەوردی مامەڵە لەگەڵ ئەم چەمكە دەكات، بەڵام نەبوونی هۆشیاری یاسایی و ئایینی هۆكاری ئەوەیە كە خەڵكانێك سوێند بەتەڵاق بخۆن.

لەڕووی شەرعەوە تاچەند ئایین گرنگی بەم بابەتەی داوە

سوێندخواردن بەتەڵاق دەچێتە خانەی تاوان و سوێند خواردن تەنیا بەخوا جائیزە و بێگومان ئایینی پیرۆزی ئیسلام ڕوونی كردۆتەوە كە سوێند تەنیا بەخوایە، وەك پێغەمبەر درودی خوای لێبێت دەفەرموێت:(من كان حالفا فلیحلف بالله أو لیصمت) واتا ئەو كەسەی كەدەیەوێت سوێند بخوات تەنیا بەزاتی خودا سوێند بخوات یان خۆی لێبێدەنگ بكات و سوێند بەهیچی تر نەخوات) لەدەقێكی تری پیرۆزدا پێغەمبەر درودی خوای لێبێت دەفەرموێت:(لاتحلفوا بابائكم ولا بامهاتكم والانداد ولاتحلفوا باللەالا وانتم صادقون)، واتا دەڵێت نابێت سوێند بەدایك و باوك و نەژاد بێت، ئەگەر سوێندتان بەخوداش خوارد با ڕاستگۆ بن). واتا لەڕووی شەرعەوە نابێت سوێند بەتەڵاق بخورێت و سوێند خواردن بەتەڵاق دەچێتە خانەی تاوانەوە.

سوێندخواردن بەتەڵاق لەكۆمەڵگەی كوردەواریدا بۆتە كەلتوور، ئەمەش دەچێتە قاڵبی گوناهەكانەوە، سوێندخواردن خۆی لەخۆیدا وشەیەكی قورسە ناكرێت بۆ هەموو شتێك بوترێت واتا تەنیا لەچەند حاڵەتێكی تایبەتیدا مرۆڤ بۆی هەیە سوێند بخوات ئەویش تەنیا بەخودا.

هرگز از رحمت خدا ناامید نشوید

درباره ی ماموستا ایوب رزم

مطلب پیشنهادی

کمک به نیازمندان دوره بیستم

کمک به نیازمندان دوره بیستم

کمک به نیازمندان دوره بیستم در مورخ 99/6/2 تهیه گردید و پخش مواد غذایی برای …

یک دیدگاه

  1. با عرض سلام و ادب خدمت جناب آقای ماموستا رزم.
    ماموستا یک سوال شرعی در مورد طلاق لفظی خدمتتون داشتم.
    ماموستا من در جمعی قرار داشتم که زن و شوهری در آن جمع بودند که شوهر برای اثبات حرفش (به شخص دیگری که در آن جمع قرار داشتند که حرفش هم دروغ بود) ۳ طلاقه انداختند و زن هم که از ماجرا خبر داشت و میدانست حرف شوهرش دروغ است نگفت که من قبول ندارم و همسرم دروغ میگوید. الان آن شخص که بهش دروغ گفتند میداند که حرف آنها راست نبوده.
    ماموستا آیا این زن و شوهر طلاقشان درست است یا نه؟

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *